التخطي إلى المحتوى الرئيسي

تجربتي للماسكات الكورية : الماسك الأسود


اولا اميجوز  🙋
كيفكم مع الاجازة ؟ 
و الحمدلله و أخيراً رجعت للتدوين بعد إجازة أكثر من شهرين موضوع اليوم خفيف و سريع حق الرجعة ، من فترة سارت ضجة كبيرة في اليوتيوب و السوشل ميديا على القناع الاسود و كل ما اشوف فيديو له و اشوف كيف ينظف الخشم 👃اتحمس له بس و اروح ابحث في امازون على الانواع و بعدين ابطل قبل تقريباً اسبوعين رحت محل من محلات التجميل و لقيت الماسك الأسود و سعره كان حلو ٢٠ ريال و نوعيته شفت كثير جربوها أخذته على طول بدون تردد و اليوم جربته  😁 صراحة كنت متحمسة أجربه من أول يوم اشتريته بس ما فضيت له الا اليوم .







طريقته سهلة هو مكتوب تحطيه على خشمك بس أنا سويت زي حق اليوتيوب حطيته على كل وجهي 😂 الوقت المفترض من ١٠ - ١٥ دقيقة بس لمى خليته كذا جات ٢٠ دقيقة و كان لسى ما نشف تقريبا ٣٥ د على ما نشف تمام و حطيت طبقة متوسطة تعتبر خفيفة لانو امس جربت احط شوية و حطيت كثير من الماسك مرا طول على ما ينشف ، نجي للحظة الحاسمة 🎺💃 قبل لا انزله خفت شوي تذكرت اشكال الناس لمى ينزلوه يعورهم و عينهم تدمع و حالتهم حالة تشجعت شوي و نزلته كله مرا وحدة باختصار انه مافي ذاك الالم الي يخلي العين تدمع بس آلمني شوي عند الجبهة لاني حطيته شوي على منابت الشعر انتبهوا تسوا قريب من شعركم 🚫 كمان تحت العين 🚫 . 



بعد ما شلته جاني احساس انو وجهي نظيف من قلب كأني مسوية تنظيف و تعبانة عليه حتى الوبر يشيله و بشرتي صارت ناعمة و اهم شي الحمدلله ماحسس وجهي اخر شي احس راح يفيد الي يعانون من الرؤوس السوداء يستخدمونه للخشم بس بديل اللصق و أوفر .


و هاد شكل الماسك بعد ما نزلته  😊



انتظروا الماسك الثاني في التدوينة الجاية إن شاء الله 💗


تابعيني على شبكات التواصل الاجتماعي : 



أو 

و عشان توصلك التدوينات أول  بأول على المربع الأزرق الي مكتوب فيه متابعة 💗
photo sig_zpsnzw9exvy.jpg

تعليقات

  1. مساء النور ..
    منجد الأشياء اللي يهبون فيها الناس تحمسك تجربينها ، سار خاطري اجربه بعد تدوينتك ، احب الاشياء اللي تعطيك احساس النظافة من اول مره ، زي الاشياء المنعنعه وكذا

    ردحذف

إرسال تعليق

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .