التخطي إلى المحتوى الرئيسي

كتب ندمت اني اشتريتها

السلام عليكم و رحمة الله







مساء / صباح الانجاز

من زمان ما كتبت ريفيوز عن كتب لانو ما سرت اقرأ كتب و اخر  كتابين  قرأتها للاسف كانت اختيار سيء جداً .








اول كتاب رواية الشقيقات : 

للكاتبة دانيل ستيل
سيئة جداً جداً اعترف اني اشتريتها عشان اسمها حسيت انها مرا حلوة و كان مكتوب عليها الاول مبيعاً قلت اكيد مرا حلوة
تتكلم عن حياة اربعة اخوات كل وحدة لاهية في حياتها العملية الاخت الكبيرة اسمها سابرينا محامية و الثانية تامي منتجة برامج  و الثالثة آني رسامة و الصغيرة عارضة أزياء كاندي و في اجازة الرابع من جولاي كل البنات رجعوا البيت للاحتفال مع اهلهم و في ليلة الاحتفال سار حادث للام و آني و الام ماتت و آني تضررت ما حقول ايش صار لها عشان لا احرق ع الي يبغى يقرأها  😜 و بعد الحادث الاخوات قرروا يعيشوا سوا و ياخذوا اجازة من حياتهم الناجحة عشان يساعدوا اختهم و ابوهم و يتخطوا وفاة امهم  للي حابة تعرف أكثر عن الكتاب هنا زي ما قلت ما حبيتها صراحة حسيتها مسلسل مكسيكي لانها دراما و رومانسية و انا ما احب الروايات الي كذا اصلاً يكفي انه الاربة فصول الاولى كلها وصف للاخوات  😨 .



حالياً أقرأ رواية ثانية لها الى الان تمام عاجبتني عارفيين الحلو في رواياتها وصفها الوصف  فيها دقيق لمى  الملامح  و الشكل و اللبس و المكان بس انا مو جوي الروايات الرومنسية و الدراما لكن ككاتبة عجبني اسلوبها . 









الكتاب الثاني :
حكايا سعودي في اوروبا 

الكتاب هذا معايا له سنة و عجزت اقرأه مرا ما حبيته بس قرأت المقدمة و كم صفحة و وقفت الكتاب الوحيد الي ما قدرت اكمله لانو انا ما احب اوقف شي لازم اكمل حتى لو ما عجبني بس هذا ما قدرت مدري كيف الناس عجبها و اذكر صحبتي كانت مرا تمدحه و توقل يجنن وخلصته في اقل من اسبوع و كمان صحبات اختي و قريبتي بختصار اشوف الناس في كل مكان تمدحه و اتحمست له و بعدين انصدمت  😔 ، مدري ممكن في المستقبل اعطيه فرصة ثانية  😶 .





انتهيت  💗 .


الحمدلله و اخيراً نزلت تدوينة من التدوينات المؤجلة  😍 






 photo sig_zpsnzw9exvy.jpg


تعليقات

المشاركات الشائعة من هذه المدونة

نتيجة تجربتي لتمارين كلوي تينغ

مساء/ صباح الخير  موضوع التدوينة واضح من العنوان  🏃🏻‍♀️  إذا انتي جديدة في عالم الرياضة، كسولة، تملي من الروتين، تبغي تمارين بسيطة و ما تتعب مرة بس نتيجتها حلوة و تفرق كملي قراءة التدوينة للنهاية،

تجربتي لمنتجات ماوي مويستر (مجموعة زبدة الشيا) منتجات شعر طبيعية | Maui moisture

صباح / مساء الجمال ✨ يالله أحس من زمان ما تكلمت عن منتجات عناية بالشعر 🙆🏽‍♀️ اليوم حقولكم عن تجربتي لمنتجات الشعر من ماوي مويستر و هي براند امريكية 🇺🇸 اكثر شي حمسني اجربها هو انها تعتبر طبيعية 🌿 و اهم شي لحظة 🤦🏽‍♀️ خلوني أول شي اقولكم نوعية شعري 👩🏻‍🏫، طبيعة شعري جاف ع قولة ماما يشرب الزيت لأني دايماً اهتم في و أزيته و النتيجة بعد فترة تبين و إذا سحبت اسبوع أو اثنين عناية الشهور الماضية كلها ع الفاضي زيادة ع طبيعته الجافة ما اشرب مويا تمام غذائي مو تمام فتقصف الشعر و تعب حالياً الحمدلله التقصف و التلف خف كثير آخر ٥ شهور بس الجفاف لا مفر منه المهم دايماً أبحث 🕵🏽‍♀️عن شامبوهات كويسة

اصنعي غلاف لهايلايت الإنستجرام الخاص بك بطريقة سهلة جداً ✨

مساء / صباح الخير يا جميلات من فترة سارت موضة جديدة في الإنستجرام عند البلوجرز و الانفلونسرز و انتشرت بسرعة الي هي غلاف أو خلفية لهايلايت الإنستجرام و مرا حبيتها جداً جميلة و كيوت 😻 و أحسها ترتب الحساب ف من وجهت نظري أحس لازم أى بلوجر تسويها في إنستجرامها إذا عندها هايلايتس لأنها تبين الحساب مرتب و بروفيشنال ف راح أحط لكم طريقتين و كل وحدة أسهل من الثانية .